Coa axuda dunha nutricionista aprenderemos técnicas para levar a cabo un estilo de vida saudable e hábitos alimenticios que se requiren para beneficiar as capacidades de corpo e mente. Dun xeito ameno e divertido descubriremos cómo alimentarnos mellor pois en definitiva: Eres o que comes.

Os talleres de nutrición impartiranse en horario de 21:00 a 22:00 e serán gratuitos non sendo preciso anotarse previamente.

8 abril Sala de Lectura do Incio // 10 abril local social de Eirexalba// 14 de abril local social de Vilademouros// 15 de abril local social da Cervela// 17 de abril local social de Barbaín//22 abril local social do Val do Mao//24 de abril local social de Valbón e 29 de abril local social da Ferrería.

Trátase dun programa dirixido a tódolos veciños/as do municipio co que pretendemos concienciar da necesidade de facer exercicio para ter unha vida máis saudable. As actividades deportivas consistirán en ximnasia de mantemento, aerobic, zumba. Etc

Este programa levarase a cabo no mes de abril no multiusos do Incio e nos locais sociais da Cervela e Vilademouros. As clases serán de 1 hora de duración.

É unha actividade gratuita. A segunda semán de abril comenzaremos coas reunións nos tres lugares de cara a establecer os horarios e os grupos.

Para inscribirse hai que chamar ó teléfono do Concello 982427014.

Deputación e Concello do Incio poñen en valor a casona do Incio. As obras contan cun orzamento inicial de 250.000€. A alcaldesa, Laura Celeiro, subliñou “cumprindo co compromiso que adquirín cos veciños/as do Incio poñemos en valor este edifico emblemático co obxectivo de darlle un uso social. Aproveitaremos a localización da Casona, que se sitúa no centro da capitalidade, para dinamizar a economía social ao ofrecer neste espazo novos servizos con carácter eminentemente social”.

O Concello do Incio ofrece asesoramento para solicitar as axudas de renovación de lousados e fachadas. O DOG vén de publicar tres convocatorias para a renovación de tellados, lousados e paredes exteriores de vivendas ou edificios. A subvención pode chegar ata o 30%. O prazo remata o 13 de xuño ou incluso antes se se esgotan os fondos destinados. Tódalas persoas que teñan dúbidas ou precisen axuda coas solicitudes poden dirixirse ás oficinas do Concello do Incio. Toda a documentación pode presentarse ademáis dende o Portelo Único do Concello.

Aberto o prazo ata o 30 de abril da axuda para pagar a factura eléctrica correspondente ao segundo semestre de 2014. Poderán solicitar esta axuda as persoas residentes na Comunidade Autonóma de Galicia que teñan ao seu cargo fillos menores de 18 anos e un gasto derivado da subministración eléctrica na súa vivenda habitual. Os ingresos totais da unidade de convivencia non deben superar 1,5 veces o IPREM. Para tramitar estas axudas podes poñerte en contacto coa área de servizos sociais do Concello do Incio.

Rematan as actividades de dinamización sociocultural organizadas polo Concello do Incio, que contan co financiamento da Deputación de Lugo. Baile, Manualidades e Risoterapia foron as actividades que se desenrolaron nos meses de decembro a febrero de 2015 e no que participaron medio cento de vecinos/as do municipio.